Ég byrjaði á faldbúninganámskeiði í Annríki í mai 2012 en hafði árið áður farið á baldýringsnámskeið hjá Heimilisiðnaðarfél. og í framhaldi af því byrjaði á faldbúnings námskeiði sem varð ekkert úr og snéri mér því að Annríki.

Upphafið af þessu öllu saman var að dóttur minni langaði upphlut en hún hafði fermst í upphlut ömmu minnar sem var á þessum tíma orðin slitinn og langaði hana í útsaumað pils. En við vissum ekki á þeim tíma að það væri faldbúningur sem væri þannig og hófst þá vinnan.

Ég skrifað hjá mér að hafa byrjað 8.maí 2012 í Annríki í fyrsta tímanum og vorum við 5 konur á námskeiðinu. Gerðar voru prufur af munstrinu í pilsið og hef ég búið til púða úr þeim.

Það tók mig 10 mánuði (374 klst).að sauma út í pilsið með blómstursaum. Skrifaði allt niður og lísti því sem ég saumaði hverju sinni. Sat meira að segja inni á hóteli í Færeyjum og saumaði. Allur tími nýttur

Þegar hennar búningur var tilbúinn þá sá ég að ég þyrfti einning að eiga búning til þessa að geta vera með henni. Fór aftur á námskeið jafnt því að ég sat heima og baldýraði. En ég nennti ekki að sauma aftur út í pils og setti borða og gullþráð meðfram. Önnur treyjan er með flauelskurði en hin er baldýruð sem ég reyndar gerði ekki sjálf. Einning voru saumuð undirpils og flauelsbelti á mig og prjónaðar skotthúfur. Stokkabeltið sem til var fór á búning dóttur minnar.

Næst var að fara á höfuðfatanámskeið fyrir okkur báðar sem var í mai 2017.

Síðan vantaði búninga á litlu fjöskylduna og fékk eiginmaður dóttur minnar og lítill sonur eins og hálfsárs búninga í febrúar 2018. Dóttir hennar fékk svo búing rúmlega einsárs í mars 2021. Hún fékk auðvitað baldýringu á upphlutinn. Og var þá öll fjöldkyldan orðin vel klædd.

Við gengum öll á kjörstað uppá klædd í maí 2022 nema eiginmaður minn. Hann sá þá að þetta gekk ekki og samþykkti að fara í búning að ofan þannig að 17.júni 2022 gengum við í skrúðgöngunni öll vel klædd.

En núna er ég búin að endurgera á ltila drenginn sem reyndar er orðin 8 ára og síkka telpubúninginn eins og hægt er þannig að næst er það stærri búningur á hana. Einnig er ég búið að sauma buxur á eiginmanninn og verður hann komin í jakka þegar við förum til Kanada í ágúst og ég með nýtt baldýrað belti sem ég var að klár.

Ég tók að mér að sauma út í ermarnar á kyrtlinm sem gefa á íslendingafélaginu í Gimli nú í ágúst og var það skemmtileg og krefjandi vinna.